أدخلى وجربى بسرعة

الخميس، 27 يناير 2011 , Posted by engnoda at 9:29 م

البيض المسلوق باللحمة المفرومة

المقادير:
5 بيضات مسلوقين ومقشرين
350 جرام لحمة مفرومة
بصلة متوسطة مفرومة
ملح + فلفل أسود + بهارات مشكّلة
بقسماط مطحون
معلقة دقيق

الطريقة:
1- نضيف البصل على اللحمة المفرومة ومعاها الملح والبهارات والفلفل الأسود، وبعدين نحط البقسماط لحد ما اللحمه تتماسك.

2- نجيب البيض المسلوق ونقلبه في قليل من الدقيق، علشان يساعد على إن اللحمة تلتصق به، وبنغلّف البيض باللحمة بحيث يكون سمك اللحمة المفرومة على البيض حوالي 1 سم.

3- لما نخلّص كمية اللحمة، نغلف كورات البيض باللحمة المفرومة بقليل من الدقيق المتبل بالبهارات (يعني غلاف رقيق جدًّا من الدقيق).

4- نقلي كرات البيض باللحم في زيت غزير مغلي لحد ما تحمر، وبعدين نوطي عليها النار شوية علشان تستوي كويس، ونقلبها بحرص، ونطلعها من الزيت على ورق نشاف، ونقطع كل كرة إلى نصفين بالراحة بالسكينة وهيبقى شكلها حلو جداً؛ لأن الصفار هيكون باين وبعدين البياض وبعدين اللحمة، وممكن تزيني الطبق بالخضروات الورقية وشرائح الليمون.. وبالهنا والشفا..

جمبرى بانيه
**********
المقادير
• 1 كيلو جمبرى
• 2 بيضة
• 4 ملعقة كبيرة بقسماط
• 2 ملعقة صغيرة ثوم مفروم
• كوب عصير ليمون
• زيت
• ملح وفلفل
• كمون

طريقة الطبخ
اخلطى البهارات مع عصير الليمون والثوم ثم ضعى فيه الجمبرى بعد تقشيره وغسله واتركيه فى التتبيل لمدة ساعة
اخفقى البيض ثم اضيفه للجمبرى ثم غلفى الجمبرى بالبقسماط .
سخنى الزيت ثم اقلى الجمبرى حتى يصبح لونه ذهبى .
يمكن تقديمه مع سلطة الطحينة والليمون.